Lífsbókin

Nýr vettvangur

Mon, 15 Aug 2011 22:15:48 GMT

ákvað að færa mig á aðra síðu. Búin að gefast upp á tæknilegum örðugleikum og brasi með þessa sem er í raun sorglegt því hef ég bloggað í rúm 6 ár.

Vona að þið verðið áfram dugleg að lesa rétt eins og þið hafið gert :p

Sóðin á nýju síðuna er; http://lifsbokin.blog.is

Kveðja og knús

Jóhanna

góðir hálsar........

Mon, 15 Aug 2011 21:15:58 GMT

Löngu tímabært að skella inn eins og einu stuttu bloggi, er það ekki ?

Búið að ganga vel með skokkið og nú er frúin búin að skrá sig í 10 Km skokkið í Maraþoninu á laugardag...

Íhaaaaa það verður sko gaman.

Þessa dagana fer ég rólega, þ.e. skokka ekki eins langt, læt stuttu vegalengdirnar duga, 5 og 7km. Svo er það mataræðið sem þarf að vera nokkuð ríkt af kolvetnum og þá góðum kolvetnum sem eru t.d. spelt eða heilhveiti pasta, brún hrísgrjón, gróft brauð, ávextir og morgunkorn. Því þegar kemur að átökunum þarf að vera til orka í kroppnum.

Skynsamlegt, ekki satt.

Þegar þessum átökum lýkur er komið að ákveðnum tímamótum í mínu lífi, skýri frá því seinna.

Ýmsilegt fleira skemmtilegt framundan hjá mér og ég hlakka bara til komandi hausts, sem er og verður minn tími

Eins gott að standa sig......

Wed, 27 Jul 2011 10:47:53 GMT

Og skella einni stuttri færslu til gamans inná netið. Þið eruð svo dugleg að kíkja inn kæru lesendur, sem ég reyndar veit ekki hverjir eru............ Bara gaman.

Nú er heldur betur farið að styttast í stóra daginn 20. Ágúst þegar gamlan ætlar að skella sér í 10 Km skemmtiskokkið. Er komin á fullt að æfa fyrir þann dag og er búin að fara tvisvar 10 km. Fyrsta skiptið var það í sveitinni þar sem aðeins var í boði malarvegur. Við nýttum okkur tæknina og mældum 5 Km frá bústaðnum á leið þar sem ég mat að væri nokkuð öruggt að skokka. Ég skokkaði að þeim punkti , tók stutta pásu og sneri svo við. Gekk mjög vel hvað það er MJÖG erfitt að skokka á malarvegi. Næsta skiptið gekk mun betur en þá bætti ég við 3 km við skokkleiðina mína hér heima. Ætla svo að skella mér aftur í dag. Verð að játa að ég varð nokkuð þreytt fyrst eftir 10 km en það var ég líka þegar ég byrjaði að skokka 5 og svo 7 km en nú finn ég ekki fyrir þeim vegalengdum. Svona er þetta bara.

Ætla að skella mér á æfingu með skokklúbb Garðabæjar eftir helgina og prófa að skokka með þeim. Það er svolítið einmannalegt að vera alltaf einn þó svo að það geti líka verið gott stundum. Gaman að hitta fólk sem hefur reynsluna og kann trikkin í bókinni.....

Allt að verða vitlaust.......

Sat, 16 Jul 2011 17:31:04 GMT

Hér á síðunni og ég hef ekki hugmynd hverjir lesa þessa pistla mína. Er mjög forvitin.

Hress og endurnærð eins og nýendurnýjaður happadrættismiði. Rétt dottin inn úr dyrunum eftir frábæra ferð til Bandaríkjanna með mínum manni. Eitt besta frí sem ég hef farið í og við komum afslöppuð og sæl heim eftir rúmar 2 vikur í góðu yfirlæti. Síðustu dagana vorum við í Boston sem er klárlega orðin mín uppáhalds borg. Eiginmaðurinn ekki jafn sæll með borgina fallegu en það verður bara að hafa það. Hann er fullkomlega sáttur við það að mínar Bostonferðir verði meira svona stelpuferðir í framtíðinni.

Það fyrsta sem ég keypti voru hlaupaskór..... en ekki hvað. Greinilegt að þeir gömlu voru meira en búnir því mér gengur mun betur að skokka en áður. Er búin að bæta tímann minn í 7 km og tek núna lengri skokkvegalengdir og skemmri og færri gönguspotta. Nokkrir toppar og hlaupabuxur fengu að fljóta með og reyndar prófaði ég sumt af nýja góssinu úti. Fór að skokka einn morguninn, það var reyndar of heitt fyrir ísbirnu eins og mig en það var hressandi, hitinn þann dag fór líklega í 30 gr. Svo skellti ég mér á brettið í ræktinni á hótelinu, bara gaman. Boston er mjög þægileg borg og við fórum heilmikið fótgangandi , Cpley, hverfið sem við vorum í er einkar hentugt og eins víst að ég verði á þeim slóðum í framtíðinni.

Prófuðum túristarútu í 2 daga, miðanum fylgdi sigling um höfnina og afsláttur á Sædýrasafnið. Seinni daginn þegar við keyrðum um MIT hverfið í Cambrigde sá ég draumaskokkhringinn og hann verður sko skokkaður einhvern góðan veðurdag. Þetta er loforð.

Held áfram að skokka því nú er komið að stóra markmiðinu, reyndar tæpir 8 mánuðir en það verður að vinna vel svo það náist og ég ætla mér að gera það. Aðstæður hjá mér næsta haust bjóða uppá það að ég geti farið í ræktina og út að hlaupa eins oft og mig langar þannig að það er engin afsökun.

Tek þetta á gæsinni eins og allt annað...................

Get – Ætla- Skal

Kellan orðin .......

Sun, 26 Jun 2011 18:05:26 GMT

hlaupabrjáluð............

Og skellti sér í Miðnæturhlaupið í vikunni. Lagði ekki í 10 km alveg strax en sem betur fer var 5 KM skokk í boði. Guði sé lof fyrir það. Þetta var líka fyrsta hlaupið með tímatöku þannig að nú er hægt að miða frammistöðu næstu vikna við það... hefði mátt vera ögn betri tími (hóst ,hóst) Hvað um það, ég komst lifandi í mark á sama tíma og fyrstu 10 Km hlaupararnir. Engin hætta samt að einhver hafi ruglast á mér og þeim því miðinn með númerinu mínu var ekki í sama lit og þeirra. Heiti potturinn í Laugardalslauginni var æði á eftir. Það var því þreytt kella sem vaknaði á föstudagsmorguninn og komst að því að skórnir eru ónýtir og á leiðinni í ruslið. Lofa því.

Fyrir þá forvitnu er rétt að benda á að nýja niðurtalningin er fyrir lokamarkmiðið mitt í mars. Útskýri það frekar seinna. Eins og glöggir blogglesarar hafa eflaust tekið eftir er komið að lokadegi á Flott í formi sem merkir aðeins eitt. Stór dagur mánudaginn 27. Júní því þá er ákveðnu skammtímamarkmiði náð. Nefninlega að geta skokkað 5 km, er reyndar farin að skokka 7 km fjórum sinnum í viku en það er önnur saga.

Hef komist að því að þetta er í raun einföld jafna: Hreyfa sig meira og borða minna (og hollara) eða eins og stærðfræðikennarinn myndi setja þetta upp:

Hraustur kroppur =meiri hreyfing+minni og hollari matarskammtar+fullt af vatni.

Einfalt ekki satt.....

Krúttin mín, nú ætla ég að halda á vit ævintýra, er sko alveg búin að vinna fyrir því í vetur get ég sagt ykkur. Verið dugleg að hreyfa ykkur, borða gott og hollt og njóta lífsins.

Á réttu róli........

Sun, 19 Jun 2011 21:16:02 GMT

og ég held áfram að skokka, prófaði að lengja hringinn minn s.l. mánudag og það gekk bara vel. Búin að fara þá vegalengd þrisvar síðan. Auðvitað munar um þessa vegalengd þó ekki sé hún nema kannski 2 km í viðbót. Kem heim þreytt og sæl og er búin að jafna mig eftir góða sturtu. Þegar ég byrja á 10 km ætla ég að hlaupa frá sundlauginn og skella mér í pottinn/laugina eftir skokkið, en það verður ekki fyrr en eftir stutt sumarfrí. Ætla samt að skokka aðeins í fríinu um leið og nýjir hlaupaskór verða keyptir, bleikir Asics eru efst á óskalistanum. Finn að gömlu skórnir eru alveg á síðasta snúning og ekki mjög sniðugt að skokka mikið lengur í þeim. Læt mig hafa það í nokkra daga til viðbótar.

Allt að gerast.....

Sun, 12 Jun 2011 16:58:46 GMT

Og kellan að komast í hlaupaformið, hefði ekki getað ímyndað mér að það gengi svona vel.

Hringdi í góðan vin og fékk ráð hjá honum ráð varðandi æfingar næstu vikur. Vil ekki skemma það sem ég er búin að vera að byggja upp í vetur þ.e. vöðvamassa og vil umfram allt koma í veg fyrir ofþjálfun og meiðsli. Þessi góði vinur minn er með áralanga reynslu í að meðhöndla meiðsli auk þess sem hann nuddaði mig og var andlegur mentor í 11 ár. Yndisleg mannseskja sem gott er að leita til.

Þangað til ég fer í sumarfrí ætla ég að skokka 5 km fjórum sinnum í viku og lyfta einu sinni í viku. Þegar fríinu lýkur legg ég í 10 km skokkið til að undirbúa mig fyrir skemmtiskokkið þ. 20.ágúst. Þá verð ég líka búin að fjárfesta í nýjum skóm og e.t..v. fleiri góðum græjum. Kemur í ljós.

Þetta verður því skokksumarið mikla....... kemst enn ekki yfir það hvað það er frábært að geta farið út að skokka. Finn mikinn mun á mér, bæði á kroppnum og eins andlega sem er mjög gott mál. Ekki veitir af.

Love it !!!!!!!!!!!!

Skokka af því að ég get það eins og góður maður sagði............

Held áfram......

Thu, 09 Jun 2011 09:26:43 GMT

galvösk og skokka þrisvar í viku þessa dagana. Dreif mig út í dag og tók góðan hring sem gekk bara vel. Var með góðan hlaupafélaga í eyrunum, hún Tina Turner er sú albesta. Þurfti að klæða mig vel og svo var lagt í hann. Nota fyrrum uppáhalds gönguleiðina mína meðfram sjónum.

Það er ekki hægt að sitja heima á rassinum þegar svona flottar fyrirmyndir eins og HETJURNAR fjórar í átakinu Meðan fæturnir bera mig láta sig hafa það að skokka hringveginn í öllum veðrum. Þvílík þrautsegja !!! Ég fylgist spennt með ferðalaginu og hversu vel gengur að safna. Mæli með að þið gerið það líka. Slóðin á síðuna þeirra er www.mfbm.is ef það er einhver þarna úti sem veit ekki hvað ég er að rausa. Þetta flotta framtak hefur fengið góða og verðskuldaða umfjöllun í fjölmiðlum.

Ég lagði inn smávægilega upphæð í gær, mæli með því að þú lesandi góður gerir það líka.

Safnast þegar saman kemur.

Hafið það sem best gullin mín og munið að klæða ykkur vel í þessum kulda. Blómakjólar, bandaskór, stuttbuxur og sandalar verða að húka inni í skáp áfram.........

Svo ánægð......

Sat, 04 Jun 2011 21:16:25 GMT

Með mig að það hálfa væri miklu meira en nóg.......

Veit ekki hvað ég búin að mæta í mörg Kvennahlaup en þau eru mörg. Í fyrsta sinn tóks t mér að skokka megnið af leiðinni en ég vel yfirleitt 5 km og svo var einnig í dag. Skokkaði með góðri vinkonu og duglegu stelpunni hennar og við vorum þvílíkt ánægðar ... enda ástæða til. Við vorum langflottastar. Kemur mér á óvart hvað þetta æfingaform hentar mér vel og það er bara hið besta mál.

Næsta hlaup er 10 km skemmtiskokkið í Reykjavíkurmaraþoninu í ágúst þannig að nú ætla ég að æfa vel áfram til að verða í besta forminu.

Þarf reyndar að fjárfesta í nýjum hlaupaskóm og það verður gert við fyrsta hentuga tækifæri..............

Langaði bara að segja ykkur frá þessu.....

Önnur tilraun..... :0)

Mon, 30 May 2011 19:38:11 GMT

gerð til að skrifa eitthvað á þessa blessuðu síðu...... 8|8|

Tilraunin mín gengur mjög vel, vigtin er mér hliðholl og eitthvaðs em tálgast af í hverri viku, misjafnlega mikið en hvað um það, þetta svínvirkar og fyrir það er ég afskaplega þakklát. Það er greinilega málið fyrir mig, minni diskur :klikk::klikk: Stundum eru hlutirnir aðeins of augljósir :!::!:

Fór í fyrsta hljólatúr sumarsins og það gekk ljómandi vel. Kann vel að meta það frelsi sem hjólið gefur, á eftir að hjóla mikið í sumar.

Á næstu 4 vikum set ég turbogírinn í gang enn eina ferðina því það styttist í mikilvægan áfanga að langtímamarkmiðinu mínu, meira um það síðar gullin mín ;);)

Síðan er enn að stríða mér og því ætla ég að láta staðar numið.. að sinni.....................

Njótið lífsins 8)8)

Eitthvað gengur þetta brösulega...

Tue, 24 May 2011 20:10:46 GMT

hef verið að reyna að blogga lengi en eitthvað sem ekki virkar rétt. Búin að skrifa nokkra pistla sem ekki hafa náð í gegn.

Er komið vor eða.....

Sun, 01 May 2011 15:35:10 GMT

var það einhver misskilningur ??? Get svo svarið það að mig langaði EKKI baun á fætur í morgunn og lét það eftir mér að kúra aðeins lengur..... :klikk::klikk:
Snjór fyrsta maí er bara hneyksli og greinilegt að eitthvað sem ekki er í lagi hjá veðurkerfinu. Veðurguðir með furðulegan humor, ha :evil::evil:

Þekki nokkra flotta mótorhjólatöffara og -skvísur sem ætluðu í hópakstur Sniglanna en þeim atburði var frestað. Spælandi :$

Vonandi veit þetta á gott sumar, er það ekki málið 8)8)

Gengur ljómandi með tilraunina mína, þetta virkar vel. Las flotta bók í gær, sú kallast Mataræði og er eftir M.Pollan. Þar er tekið á ýmsu sem tengist mat og matarvenjum m.a. ferskleika og skammtastærðum... Fyrir áhugasam þá er þetta lítil hvít bók með mynd af grænum baunum.
Málið er, að skammtarnir eru venjulega of stórir en góðu fréttirnar eru þær að það er vel hægt að breyta því heima fyrir. Á veitingastöðum er hægt að stilla sig og borða ekki endilega allt sem kemur :^) Roðn :^) Sumir veitingastaðir í Boston taka reyndar vel í það að tveir deili skammti en það er því miður ekki mín reynsla á veitingastöðum hér heima :$

Skellti mér í spinningtíma í WC Laugum í gær, skemmtil mér konunglega og væri alveg til í að fara í fleiri slíka. Var dugleg spinningtútta hér í den þegar ræktin var í næsta húsi. Einn veturinn mætti ég þrisvar í viku kl. 06.15 með frábærum hóp. Klárlega mitt uppáhald í ræktinni. Gæfi mikið fyrir stöð hér í bæ sem býður líka uppá tíma eins og spinning :lol:

Njótið lífsins í maí dúllurnar mínar... vonandi er vorið alveg að detta in hjá okkur hér sunnanlands. Þekki marga sem langar að fara út að hjóla, bæði á mótorfákum og reiðhjólum, þessum gömlu góðu ;)

Allt á réttri leið.....

Wed, 27 Apr 2011 17:46:35 GMT

og tilraunin í fulllum gangi. Gengur bara bærilega. Fórum aðeins út úr bænum í 2 daga yfir bænadagana, ég tók reyndar ekki diskinn með en það gekk samt vel að hemja matarlystina. Fórum einnig í matarveislu og þar gekk mjög vel, fékk mér mikið grænmeti ásamt lambalæri og smá sósu. Lét það duga þegar hinir fóru og fengu sér meira og meira og..... :klikk::klikk: Þetta tekur tíma, ég veit það vel og borgar sig að vera þolinmóður. Nauðsynlegt að fá tilfinningu fyrir réttri skammtastærð og það er bara AGI, AGI og aftur AGI. Það besta er að ég er ekki svöng og aldrei of södd.
Veit að ég get þetta eins og allt sem ég hef gert og rúmlega það.
Get !
Ætla!
Skal !

Deildi páskaeggi með eiginmanninum sem var bara flott, maður hefur ekki gott af heilu 560 gr eggi. Jú, jú það eru víst til minni egg, en það eru bara páskar einu sinni á ári, ha. :$:$

Ekki komin almennilega í gang varðandi ræktina eftir gott páskafrí en það er alveg að koma......... 8)8)

Njótið nú vorsins elskurnar mínar, loksins er það komið.

Er þetta spurningin um......

Tue, 19 Apr 2011 23:18:22 GMT

skammtastærðir eða eitthvað annað ???
Einföld spurning sem erfitt hefur reynst að fá svar við. Nú ætla ég að prófa svolítið nýtt á sjálfri mér og ykkur er frjálst að fylgjast með.

Þannig er að ég á erfitt með að áætla mér skammtastærðir, á mannamáli: Ég borða of mikið :klikk::klikk: Ég hef góða matarlyst sem er ekki endilega æskilegt þegar vigtin er mér ekki hliðholl. Veit vel að það krefst aga að stjórna skammtastærðum og þar liggur minn hundur grafin.
Krúttin mín, ég ætla að gera tilraun sem felst í því að skammta mér mat á minni disk en ég er vön að nota og það er aðeins leyfilegt að fá sér einn skammt á diskinn.
Nýi diskurinn minn var sérvalinn í DUKA og er 20 cm í þvermál. Tilraunin stendur í tæpar 10 vikur eða til 26. júní. Held áfram að æfa og borða hollt ;);)

Tilraunin hófst í kvöld og það gekk mjög vel :p:p

Jæja......

Sun, 10 Apr 2011 14:26:35 GMT

ekki gengur það þrautalaust að koma sér í gott form.

Þrátt fyrir góða mætingu í ræktina og mikið púl ganga málin ekki alveg eins og ég hefði kosið. Fór í mælingu á þjálfara í WC í Hafnarfirði sem er stöðin mín. Frábært fólk að vinna þar :!: Þar kom í ljós að árangurinn er langt undir mínum væntingum og nokkur vonbrigði. En í stað þess að gefast upp og gráta í koddann fór ég heim og pantaði mér skammt af Herbalife sem alltaf reynist mér vel í baráttunni. Er dugleg við að bæta í sjeikana ávöxtum og hollustu til að gera þá enn betri og næringaríkari.
Þáði líka nýtt program hjá þjálfaranum sem hún setti mig inn í s.l. föstudag. Alltaf gott að breyta til og ögra kroppnum aðeins. Held því áfram að lyfta tvisvar í viku og hlaupa tvisvar til þrisvar. Maturinn skiptir líka miklu máli og það gengur bara bærilega að minnka matarskammtana, þar reynir á viljastyrkinn.

Niðurstöður, sem ég fékk í liðinni viku, tengdar heilsunni ýta enn betur við mér að halda áfram á sömu braut og stefna að þeim árangri sem ég hef sett mér.

Það er ekki í boði að gefast upp, tek þetta á gæsinni :!::!::!: Get, Ætla, Skal